కట్టంగూర్, ఆగస్టు 03 7tv : ఈ నెల 10న జరిగే దేశవ్యాప్త జైల్ భరో కార్యక్రమాన్ని ప్రజలు పెద్ద ఎత్తున విజయవంతం చేయాలని సీపీఎం రాష్ట్ర కార్యదర్శివర్గ సభ్యుడు, మాజీ ఎమ్మెల్యే జూలకంటి రంగారెడ్డి పిలుపునిచ్చారు. కేంద్ర ప్రభుత్వ ప్రజా, కార్మిక, రైతు వ్యతిరేక విధానాలకు నిరసనగా చేపడుతున్న ఈ కార్యక్రమంలో అన్ని వర్గాల ప్రజలు స్వచ్ఛందంగా పాల్గొనాలని ఆయన కోరారు. సోమవారం కట్టంగూర్ మండల కేంద్రంలో జరిగిన సీపీఎం నకిరేకల్ నియోజకవర్గ స్థాయి సమావేశంలో ఆయ‌న ముఖ్య అతిథిగా పాల్గొని మాట్లాడారు. దేశ స్వాతంత్య్రం కోసం బ్రిటిష్ పాలకులపై జరిగిన క్విట్ ఇండియా ఉద్యమం స్ఫూర్తితోనే నేడు ప్రజా సమస్యల పరిష్కారం కోసం “జైల్ భరో” కార్యక్రమాన్ని నిర్వహిస్తున్నట్లు తెలిపారు....