కమాన్‌పూర్‌ 7tv focus : చిన్ననాటి నుంచి పరుగుపై ఉన్న ఆసక్తిని సాధనగా మార్చుకున్న కమాన్‌పూర్‌ యువతి నల్లవెల్లి ఆనంది రాష్ట్రస్థాయిలో సత్తా చాటింది. హనుమకొండలో నిర్వహించిన తెలంగాణ స్టేట్‌ మీట్‌ సౌత్‌ జోన్‌ అథ్లెటిక్స్‌ ఛాంపియన్‌షిప్‌లో అద్భుత ప్రదర్శన చేసి బంగారు పతకాలు సాధించింది. దీంతో సెప్టెంబరులో పుదుచ్చేరిలో జరిగే సౌత్‌ జోన్‌ నేషనల్‌ మీట్‌కు ఎంపికైంది. 200, 400 మీటర్లలో బంగారు పతకాలు హనుమకొండలోని జేఎన్‌ఎం స్టేడియంలో నిర్వహించిన 12వ తెలంగాణ స్టేట్‌ మీట్‌ సౌత్‌ జోన్‌ అథ్లెటిక్స్‌ ఛాంపియన్‌షిప్‌లో అండర్‌-18 విభాగంలో ఆనంది పాల్గొంది. 200, 400 మీటర్ల పరుగు పందెం పోటీల్లో ప్రత్యర్థులను అధిగమించి అద్భుత ప్రతిభ కనబరిచింది. రెండు విభాగాల్లోనూ గోల్డ్ మెడల్స్ సాధించి రాష్ట్రస్థాయిలో...