ముంబై, ఆగస్టు 4: ముంబై మున్సిపల్ కార్పొరేషన్ (BMC) పరిధిలోని అన్ని రాష్ట్ర ప్రభుత్వ కార్యాలయాలు, ప్రభుత్వ సంస్థలలో ద బృహన్ముంబై ఎలక్ట్రిసిటీ సప్లై అండ్ ట్రాన్స్‌పోర్ట్ (BEST) ద్వారా 'కంపొజిట్ బిల్లింగ్ సిస్టమ్' (CBS) అమలుకు మహారాష్ట్ర మంత్రిమండలి ఆమోదం తెలిపింది. తద్వారా ప్రభుత్వ విద్యుత్ కనెక్షన్లన్నింటినీ ప్రీపెయిడ్ విధానంలోకి మార్చాలని ముఖ్యమంత్రి దేవేంద్ర ఫడ్నవీస్ అధ్యక్షతన జరిగిన క్యాబినెట్ సమావేశంలో కీలక నిర్ణయం తీసుకున్నారు. ఆలస్య రుసుములు, వడ్డీ భారానికి చెక్ కరెంట్ బిల్లుల చెల్లింపుల్లో జరుగుతున్న ఆలస్యం వల్ల ప్రభుత్వానికి పడుతున్న 12 నుంచి 15 శాతం వడ్డీ భారం, ఆలస్య రుసుములను నివారించడమే ఈ కొత్త విధానం ప్రధాన లక్ష్యం. బిల్లుల పరిశీలన, నిధుల కేటాయింపు, చెల్లింపుల ప్రాసెసింగ్...