7టీవీ ఫోకస్, పటాన్ చెరువు, జూలై 6: తెల్లాపూర్ కేసీఆర్ నగర్‌లో ఫ్లాట్ నివాసితుల ఆరోపణలు – హౌసింగ్ శాఖ విచారణ చేపట్టాలని విజ్ఞప్తి సంగారెడ్డి జిల్లా తెల్లాపూర్ డివిజన్ పరిధిలోని కేసీఆర్ నగర్ ఫేజ్–2లో మెయింటెనెన్స్ చార్జీల పేరుతో కొంతమంది నిర్వాహకులు లబ్ధిదారులకు నోటీసులు జారీ చేస్తున్నారని ఆరోపణలు వ్యక్తమవుతున్నాయి. దీంతో పలువురు లబ్ధిదారులు ఆందోళన వ్యక్తం చేస్తున్నారు. స్థానికుల కథనం ప్రకారం, బిల్డింగ్ నిర్వహణ కోసం నెలవారీ మెయింటెనెన్స్ చెల్లించలేదనే కారణంతో ఫ్లాట్ నివాసితులకు వరుసగా నోటీసులు అందజేస్తున్నారని తెలిపారు. ముఖ్యంగా నాలుగో సెక్టార్‌లో ఈ తరహా ఘటనలు ఎక్కువగా జరుగుతున్నాయని పేర్కొన్నారు. అలాగే, ఈ విషయంపై ప్రశ్నించిన లబ్ధిదారులతో కొంతమంది నిర్వాహకులు అనుచితంగా వ్యవహరిస్తూ ఒత్తిడి తీసుకొస్తున్నారని ఆరోపించారు....