న్యూఢిల్లీ7TV : నీట్ పేపర్ లీకేజీ, అయోధ్య రామాలయ విరాళాల చోరీ ఘటనలు ఇవాళ కూడా లోక్సభ(Lok Sabha)ను స్తంభింప చేశాయి. దీంతో లోక్సభను మధ్యాహ్నం 2 గంటల వరకు వాయిదా వేశారు. సభ సజావుగా సాగనివ్వాలని స్పీకర్.. విపక్ష సభ్యులను కోరారు. కానీ విపక్ష సభ్యులు ఏమాత్రం తగ్గలేదు. నినాదాలతో సభా కార్యక్రమాలను అడ్డుకున్నారు. అయితే ఆందోళనల మధ్యలోనే సభలో రెండు బిల్లులను ప్రవేశపెట్టారు. కేంద్ర సహాయ మంత్రి రావు ఇంద్రజిత్ సింగ్.. ఇండియన్ స్టాటిస్టికల్ ఇన్స్టిట్యూట్ బిల్లు 2026ను, కేంద్ర ఆర్థిక మంత్రి నిర్మలా సీతారామన్.. బ్యాంకర్స్ బుక్స్ ఎవిడెన్స్ బిల్లు 2026ను లోక్సభలో ప్రవేశపెట్టారు. విపక్ష సభ్యులు ఆ బిల్లులను వ్యతిరేకిస్తూ నోటీసులు జారీ చేశారు. కానీ మూజువాణి ఓటు ద్వారా ఆ బిల్లులను ప్రవేశపెట్టారు. బిల్లులకు వ్యతిరేకంగా మాట్లాడేందుకు విపక్ష సభ్యులు రిజిస్టర్ చేసుకున్నా.. ఆ సమయంలో ఎవరూ మాట్లాడలేదు.
About the Author
