7టీవీ ఫోకస్, కుత్బుల్లాపూర్, జూన్ 22: కుత్బుల్లాపూర్ నియోజకవర్గానికి చెందిన బీఆర్ఎస్ పార్టీ సీనియర్ నాయకుడు కొండకల్ల శ్రీనివాస్ రెడ్డి జన్మదిన వేడుకలు ఆదివారం సూరారం గ్రామంలోని విశ్వకర్మ కాలనీలోని ఆయన నివాసంలో ఘనంగా నిర్వహించారు. ఈ కార్యక్రమానికి బీఆర్ఎస్ ఎల్పీ విప్, కుత్బుల్లాపూర్ ఎమ్మెల్యే కేపీ వివేకానంద్, ఎమ్మెల్సీ శంభీపూర్ రాజు ముఖ్య అతిథులుగా హాజరై శ్రీనివాస్ రెడ్డితో కేక్ కట్ చేయించి జన్మదిన శుభాకాంక్షలు తెలిపారు. ఈ సందర్భంగా వారు మాట్లాడుతూ, ప్రజలతో మమేకమై పార్టీ బలోపేతానికి కృషి చేస్తున్న శ్రీనివాస్ రెడ్డి ప్రజాసేవలో మరింత ఉన్నత స్థాయికి చేరుకోవాలని ఆకాంక్షించారు. సమాజ సేవా కార్యక్రమాల్లో ఆయన చురుకైన పాత్ర పోషిస్తూ ప్రజల అభిమానాన్ని చూరగొంటున్నారని కొనియాడారు. ఈ కార్యక్రమంలో మాజీ కార్పొరేటర్లు మంత్రి సత్యనారాయణ, సురేష్ రెడ్డి, డివిజన్ అధ్యక్షులు పుప్పాల భాస్కర్, రుద్ర అశోక్, సీనియర్ నాయకులు వారాల వినోద్, కోల శ్రీకాంత్ ముదిరాజ్, సిద్దిక్, పార్టీ నాయకులు, అభిమానులు, మహిళా నాయకులు, కార్యకర్తలు తదితరులు పాల్గొన్నారు.
About the Author
