జీడిమెట్లలో శ్రీ కట్ట మైసమ్మ–బంగారం మైసమ్మ విగ్రహ ప్రతిష్ఠలో పాల్గొన్న మేడ్చల్ జిల్లా ఫిషరీస్ చైర్మన్ మన్నే రాజు
7టీవీ ఫోకస్, కుత్బుల్లాపూర్, జూలై 11: ఆలయాలు భారతీయ సంస్కృతి, సంప్రదాయాలకు ప్రతీకలని, గ్రామదేవతల ఆశీస్సులతో గ్రామాలు సుభిక్షంగా, ప్రజలు ఆయురారోగ్యాలతో జీవించాలని మేడ్చల్ జిల్లా ఫిషరీస్ చైర్మన్ మన్నే రాజు ఆకాంక్షించారు. కుత్బుల్లాపూర్ నియోజకవర్గంలోని జీడిమెట్లలో నిర్వహించిన శ్రీ కట్ట మైసమ్మ–బంగారం మైసమ్మ దేవాలయ విగ్రహ ప్రతిష్ఠ మహోత్సవంలో ఆయన భక్తిశ్రద్ధలతో పాల్గొన్నారు. కుత్బుల్లాపూర్ నియోజకవర్గ పరిధిలోని జీడిమెట్ల గ్రామంలో శ్రీ కట్ట మైసమ్మ–బంగారం మైసమ్మ దేవాలయ విగ్రహ ప్రతిష్ఠ మహోత్సవం వైభవంగా జరిగింది. ఈ కార్యక్రమానికి మేడ్చల్ జిల్లా ఫిషరీస్ చైర్మన్ మన్నే రాజు ముఖ్య అతిథిగా హాజరై ప్రత్యేక పూజల్లో పాల్గొని అమ్మవారిని దర్శించుకుని ఆశీస్సులు పొందారు. ఈ సందర్భంగా ఆయన మాట్లాడుతూ, శ్రీ కట్ట మైసమ్మ, బంగారం మైసమ్మ అమ్మవారు గ్రామదేవతలుగా భక్తులను కాపాడుతూ ప్రజలకు ఆయురారోగ్యాలు, ఐశ్వర్యం, సుఖసంతోషాలను ప్రసాదిస్తారని అన్నారు. ఆలయాలు మన సంస్కృతి, సంప్రదాయాలకు ప్రతీకలని, ఇలాంటి ఆధ్యాత్మిక కార్యక్రమాలు సమాజంలో భక్తి, ఐక్యత, సామరస్య భావాలను మరింత బలోపేతం చేస్తాయని పేర్కొన్నారు. అమ్మవారి ఆశీస్సులతో ప్రతి కుటుంబం సుఖశాంతులతో, గ్రామం సర్వతోముఖాభివృద్ధి సాధిస్తూ సుభిక్షంగా ఉండాలని ఆయన ఆకాంక్షించారు. గ్రామీణ ప్రాంతాల్లో సంప్రదాయాలు, ఆధ్యాత్మిక విలువలను పరిరక్షించడం ప్రతి ఒక్కరి బాధ్యత అని అన్నారు. ఈ మహోత్సవంలో సాయిబాబా నగర్ డివిజన్ కాంగ్రెస్ పార్టీ సీనియర్ నాయకుడు భాస్కర్ రెడ్డి, జీడిమెట్ల మత్స్యశాఖ అధ్యక్షుడు కృష్ణ ముదిరాజ్, వీరేశ్, మల్లేష్, లక్ష్మణ్, రామకృష్ణ, గణేష్ రాజు, నాగేష్, బాల మల్లేష్, కుమార్ తదితరులు పాల్గొని ప్రత్యేక పూజలు నిర్వహించారు. భక్తులు పెద్ద సంఖ్యలో హాజరై అమ్మవారికి మొక్కులు చెల్లించుకున్నారు.
About the Author
