జాతీయ పల్స్ పోలియో కార్యక్రమంలో సొంటి రెడ్డి పునారెడ్డి
7టీవీ ఫోకస్, కుత్బుల్లాపూర్, జూన్ 28: ఐదేళ్లలోపు ప్రతి చిన్నారికి తప్పనిసరిగా పోలియో చుక్కలు వేయించి పోలియో రహిత సమాజ నిర్మాణానికి ప్రతి ఒక్కరూ సహకరించాలని మాజీ టీపీసీసీ రాష్ట్ర ప్రధాన కార్యదర్శి, కుత్బుల్లాపూర్ కాంగ్రెస్ సీనియర్ నాయకులు సొంటి రెడ్డి పునారెడ్డి పిలుపునిచ్చారు. జాతీయ పల్స్ పోలియో కార్యక్రమంలో భాగంగా ఆదివారం నిర్వహించిన కార్యక్రమంలో ఆయన ముఖ్య అతిథిగా పాల్గొని చిన్నారులకు పోలియో చుక్కలు వేసి కార్యక్రమాన్ని ప్రారంభించారు. అనంతరం మాట్లాడుతూ పోలియో వంటి వ్యాధులను పూర్తిగా నిర్మూలించేందుకు ప్రభుత్వం చేపడుతున్న టీకా కార్యక్రమాలను ప్రజలు సద్వినియోగం చేసుకోవాలని సూచించారు. ఐదేళ్లలోపు ప్రతి చిన్నారికి పోలియో చుక్కలు వేయించడం తల్లిదండ్రుల బాధ్యత అని, ఒక్క చిన్నారిని కూడా ఈ కార్యక్రమానికి దూరంగా ఉంచరాదని ఆయన అన్నారు. చిన్నారుల ఆరోగ్య పరిరక్షణలో తల్లిదండ్రులతో పాటు వైద్య సిబ్బంది, ఆశా కార్యకర్తలు, అంగన్‌వాడీ సిబ్బంది సమన్వయంతో పనిచేయాలని సూచించారు. పోలియో రహిత భారతదేశ లక్ష్యాన్ని శాశ్వతంగా కొనసాగించాలంటే ప్రతి కుటుంబం అప్రమత్తంగా ఉండాలని, ప్రభుత్వ ఆరోగ్య కార్యక్రమాలకు ప్రజలు సహకరించాలని ఆయన కోరారు. ఈ కార్యక్రమంలో వైద్య సిబ్బంది, స్థానిక ప్రజాప్రతినిధులు, కాంగ్రెస్ పార్టీ నాయకులు, కార్యకర్తలు, తల్లిదండ్రులు, స్థానికులు పాల్గొన్నారు.
About the Author
