7tv focus : తమిళ చిత్ర పరిశ్రమలో ప్రస్తుతం ‘డీసీ’ సినిమా మంచి హాట్ టాపిక్‌గా మారింది. అరుణ్ మాథేశ్వరన్ దర్శకత్వంలో తెరకెక్కిన ఈ యాక్షన్ డ్రామాకు ప్రేక్షకుల నుంచి పాజిటివ్ రెస్పాన్స్ వస్తుండగా.. సినీ ప్రముఖుల ప్రశంసలు కూడా వరుసగా లభిస్తున్నాయి. తాజాగా టాలీవుడ్ సూపర్‌స్టార్ మహేశ్ బాబు ఈ సినిమాను చూసి తన అభిప్రాయాన్ని సోషల్ మీడియా వేదికగా పంచుకోవడంతో ‘డీసీ’ మరోసారి వార్తల్లో నిలిచింది. సినిమా చూసిన అనంతరం మహేశ్ బాబు తన సోషల్ మీడియా పోస్టులో ‘డీసీ’ని ప్రత్యేకంగా అభినందించారు. సినిమా చాలా ఒరిజినల్‌గా, అద్భుతంగా ఉందంటూ ప్రశంసలు కురిపించారు.‘‘డీసీ.. ఎంత ఒరిజినల్, అద్భుతమైన చిత్రం. చాలా కూల్‌గా ఉంది. ప్రతి క్షణాన్ని ప్రేమించాను. మొత్తం టీమ్‌కు అభినందనలు’’ అనే భావంతో మహేశ్ బాబు తన పోస్టులో పేర్కొన్నారు.సూపర్‌స్టార్ నుంచి వచ్చిన ఈ ప్రశంసలు చిత్ర బృందానికి మరింత ఉత్సాహాన్ని ఇచ్చాయి. మహేశ్ బాబు పోస్టుకు సంగీత దర్శకుడు అనిరుధ్ రవిచందర్ కూడా స్పందిస్తూ ఆయనకు కృతజ్ఞతలు తెలిపారు. సినిమాకు వస్తున్న పాజిటివ్ టాక్ బాక్సాఫీస్ వసూళ్లపై కూడా ప్రభావం చూపుతోంది. సుమారు రూ.25 కోట్ల బడ్జెట్‌తో రూపొందిన ఈ చిత్రం తొమ్మిది రోజుల్లోనే దేశవ్యాప్తంగా రూ.50.26 కోట్ల నెట్ వసూళ్లు సాధించినట్లు ట్రేడ్ వర్గాల సమాచారం. రెండో వారాంతం నాటికి సినిమా బ్రేక్‌ఈవెన్ దాటి లాభాల బాట పట్టిందని తెలుస్తోంది. దీంతో ‘డీసీ’ ఈ ఏడాది తమిళ చిత్రాల్లో మంచి విజయాన్ని అందుకున్న సినిమాల జాబితాలో చేరింది. మహేశ్ బాబు కంటే ముందే ప్రముఖ దర్శకుడు శంకర్ కూడా ‘డీసీ’పై తన అభిప్రాయాన్ని వ్యక్తం చేశారు. అరుణ్ మాథేశ్వరన్ తెరకెక్కించిన విధానాన్ని, సినిమాటోగ్రఫీ, ఆర్ట్ డైరెక్షన్ వంటి సాంకేతిక అంశాలను శంకర్ ప్రశంసించినట్లు తెలుస్తోంది.
About the Author
