ఆగస్టు 3 (7టీవీ ఫోకస్ న్యూస్ )
విద్యా రంగంలో 65 సంవత్సరాల విశిష్ట సేవలను పూర్తి చేసుకున్న శివశివాని గ్రూప్ ఆఫ్ ఇన్‌స్టిట్యూషన్స్ (ఎస్‌ఎస్‌జీఐ) తన బ్లూ సఫైర్ జూబ్లీ (1961–2026) వేడుకలను ఆగస్టు 3 ఘనంగా నిర్వహించింది. విద్యా నాణ్యత, విలువల ఆధారిత బోధన, నాయకత్వ వికాసం, సమాజ సేవలో ఆరు దశాబ్దాలకు పైగా అందించిన విశేష సేవలకు గుర్తింపుగా ఈ వేడుకలు నిర్వహిస్తున్నట్లు సంస్థ ప్రెసిడెంట్ శ్రీమతి ఆర్తి సంపతి తెలిపారు.
ఈ చారిత్రాత్మక వేడుకల్లో దేశానికి సేవ, నాయకత్వం మరియు యువతకు స్ఫూర్తినిచ్చే ఇద్దరు ప్రముఖులు పాల్గొననున్నారు. వారు కూడా శివ శివాని సంస్థ విద్యార్థులు గర్వ కారణం అని సంస్థ ప్రెసిడెంట్ శ్రీమతి ఆర్తి సంపతి తెలిపారుభారత సైన్యంలో విశిష్ట సేవలందించిన కల్నల్ గౌరవ్ దత్తా (విరమణ పొందిన) గౌరవ అతిథిగా హాజరుకానున్నారు. యుద్ధభూమిలో అసాధారణ ధైర్యసాహసాలు ప్రదర్శించిన కల్నల్ గౌరవ్ దత్తా (రిటైర్డ్) ట్రైయాథ్లాన్ ఛాంపియన్‌గా కూడా దేశవ్యాప్తంగా గుర్తింపు పొందారు.గౌరవ అతిథి కల్నల్ గౌరవ్ దత్తా (రిటైర్డ్) మాట్లాడుతూ, “శివశివాని నా జీవితంలో ఒక విద్యాసంస్థ మాత్రమే కాదు, వ్యక్తిత్వాన్ని తీర్చిదిద్దిన ఆలయం. సైన్యంలో నేర్చుకున్న ధైర్యం, నాయకత్వం, క్రమశిక్షణకు ఇక్కడ పొందిన విలువలే బలమైన పునాది. నేటి విద్యార్థులు సవాళ్లను అవకాశాలుగా మార్చుకుంటూ దేశాభివృద్ధిలో భాగస్వాములు కావాలి” అని పిలుపునిచ్చారు. క్రమశిక్షణ, ధైర్యం, పట్టుదలతో కూడిన ఆయన జీవితం యువతకు స్ఫూర్తిదాయకమని అయన పేర్కొన్నారు.
విద్యా సంస్థ ప్రెసిడెంట్ అండ్ చీఫ్ ఎగ్జిక్యూటివ్ శ్రీమతి ఆరతి సంపతి మాట్లాడుతూ, గత 65 సంవత్సరాలుగా శివశివాని గ్రూప్ ఆఫ్ ఇన్‌స్టిట్యూషన్స్ వేలాది మంది విద్యార్థులను విద్య, విలువలు, నాయకత్వ లక్షణాలతో తీర్చిదిద్ది దేశ విదేశాల్లో వివిధ రంగాల్లో రాణించేలా తీర్చిదిద్దిందని తెలిపారు. పాఠశాల విద్య నుంచి ఉన్నత, వృత్తిపరమైన విద్య వరకు నాణ్యమైన విద్యను అందిస్తూ సంస్థ విశిష్ట గుర్తింపు పొందిందన్నారు. గత ఆరు దశాబ్దాలుగా శివశివాని గ్రూప్ ఆఫ్ ఇన్‌స్టిట్యూషన్స్ విద్యార్థుల్లో విద్యా ప్రావీణ్యం, నైతిక విలువలు, నాయకత్వ లక్షణాలు, ఆవిష్కరణాత్మక దృక్పథం మరియు సమగ్ర వ్యక్తిత్వ వికాసాన్ని పెంపొందిస్తూ వేలాది మంది విజయవంతమైన పూర్వ విద్యార్థులను సమాజానికి అందించింది అని అన్నారు.విద్యా సంస్థ వైస్ ప్రెసిడెంట్ డా. శైలేష్ సంపతి మాట్లాడుతూ, భవిష్యత్తులో కూడా ప్రపంచ స్థాయి విద్య, విలువలతో కూడిన నాయకత్వం, ఆవిష్కరణలకు ప్రాధాన్యం ఇస్తూ సమాజానికి బాధ్యతాయుతమైన పౌరులను తీర్చిదిద్దేందుకు శివశివాని గ్రూప్ ఆఫ్ ఇన్‌స్టిట్యూషన్స్ కట్టుబడి ఉందని తెలిపారు. తల్లిదండ్రులు, విద్యార్థులు, పూర్వ విద్యార్థులు సంస్థపై ఉంచిన అపారమైన విశ్వాసం, ఆదరణతో నేడు శివశివాని గ్రూప్ ఒకే క్యాంపస్‌లో రెండు డిగ్రీ కళాశాలలు, ఒక పాఠశాల, ఒక జూనియర్ కళాశాల (ఇంటర్), అలాగే మేనేజ్‌మెంట్ విద్యాసంస్థలను విజయవంతంగా నిర్వహిస్తోందని పేర్కొన్నారు. కేజీ (KG) నుంచి పీహెచ్‌డీ (Ph.D.) వరకు సమగ్ర విద్యను అందిస్తున్న అరుదైన విద్యాసంస్థల్లో శివశివాని ఒకటిగా నిలిచిందని ఆయన తెలిపారు.విద్యా సంస్థ అసోసియేట్ వైస్ ప్రెసిడెంట్ శ్రీమతి దీపికా సంపతి మాట్లాడుతూ, 1961లో స్థాపితమైన శివశివాని గ్రూప్ ఆఫ్ ఇన్‌స్టిట్యూషన్స్ గత 65 సంవత్సరాలుగా “Learn to Serve” (నేర్చుకొని సేవ చేయండి) అనే ఆదర్శ వాక్యంతో విద్యా సేవను అందిస్తోందని చెప్పారు. పాఠశాల విద్య నుంచి డిగ్రీ, పీజీ, మేనేజ్‌మెంట్, ఇతర వృత్తిపరమైన విద్యా కార్యక్రమాలను అత్యున్నత ప్రమాణాలతో నిర్వహిస్తూ, నాణ్యమైన విద్యతో పాటు నైతిక విలువలు, సామాజిక బాధ్యత, నాయకత్వ లక్షణాలను విద్యార్థుల్లో పెంపొందిస్తున్నామని తెలిపారు. విద్య, విలువలు, సమాజ సేవ అనే మూడు ప్రధాన సూత్రాలతో శివశివాని దేశంలోని ప్రముఖ విద్యాసంస్థగా గుర్తింపు పొందిందని ఆమె పేర్కొన్నారు.బ్లూ సఫైర్ జూబ్లీ వేడుకల్లో వివిధ విభాగాల అధిపతులు, విద్యార్థులు, పూర్వ విద్యార్థులు, అధ్యాపకులు, పరిశ్రమల ప్రముఖులు, విశిష్ట అతిథులు, పాల్గొని సంస్థ వ్యవస్థాపకుల దూరదృష్టిని స్మరించుకున్నారు. “Serving the Cause of Education” (విద్యా సేవే మా ధ్యేయం) అనే సందేశంతో నిర్వహిస్తున్న ఈ వేడుకలు సంస్థ 65 ఏళ్ల విద్యా ప్రస్థానాన్ని ప్రతిబింబించాయి.
శివశివాని గ్రూప్ ఆఫ్ ఇన్‌స్టిట్యూషన్స్ గురించి
1961లో Schoolతో స్థాపితమైన శివశివాని గ్రూప్ ఆఫ్ ఇన్‌స్టిట్యూషన్స్ (SSGI), నేడు దేశంలోని ప్రముఖ విద్యాసంస్థల్లో ఒకటిగా గుర్తింపు పొందింది. పాఠశాల విద్య నుంచి డిగ్రీ, పీజీ, మేనేజ్‌మెంట్ మరియు ఇతర వృత్తిపరమైన విద్యా కార్యక్రమాల వరకు నాణ్యమైన విద్యను అందిస్తూ, విద్యా రంగంలో విశిష్ట సేవలను అందిస్తోంది. “Learn to Serve” (నేర్చుకొని సేవ చేయండి) అనే ఆదర్శ వాక్యాన్ని మార్గదర్శకంగా తీసుకుని, విద్యా ప్రావీణ్యం, ఆవిష్కరణలు, నాయకత్వ లక్షణాలు, నైతిక విలువలు మరియు సమాజ సేవా దృక్పథాన్ని విద్యార్థుల్లో పెంపొందిస్తూ తరతరాలకు స్ఫూర్తినిస్తోంది.ప్రస్తుతం కిండర్ గార్టెన్ (KG) నుంచి పీహెచ్‌డీ (Ph.D.) వరకు సమగ్ర విద్యా అవకాశాలను అందిస్తున్న అరుదైన విద్యాసంస్థల్లో శివశివాని ఒకటిగా నిలిచింది. భవిష్యత్ అవసరాలకు అనుగుణంగా ప్రపంచ స్థాయి నైపుణ్యాలు కలిగిన వృత్తి నిపుణులు, నైతిక విలువలతో కూడిన నాయకులు, బాధ్యతాయుతమైన ప్రపంచ పౌరులను తీర్చిదిద్దడమే లక్ష్యంగా సంస్థ తన విద్యా సేవలను మరింత విస్తరించుకుంటూ సమాజాభివృద్ధికి విశిష్ట సేవలందిస్తోంది
About the Author
