7 టీవీ ఫోకస్, షాద్ నగర్, జూలై 2:
గ్రామీణ ప్రాంత ప్రజలకు నాణ్యమైన నేత్ర పరీక్షలు, ఆధునిక కంటి సంరక్షణ సేవలు అందుబాటులోకి రావడం అవసరమని బీజేపీ రాష్ట్ర కార్యవర్గ సభ్యులు కర్ణం ప్రహ్లాద్‌రావు అన్నారు. చౌదరిగూడ మండల కేంద్రంలో నూతనంగా ఏర్పాటు చేసిన ‘అమ్మ ఐ కేర్ ఆప్టికల్స్’ను గురువారం ఆయన ప్రారంభించారు. చౌదరిగూడ మండల కేంద్రంలో నూతనంగా ఏర్పాటు చేసిన ‘అమ్మ ఐ కేర్ ఆప్టికల్స్’ను బీజేపీ రాష్ట్ర కార్యవర్గ సభ్యులు కర్ణం ప్రహ్లాద్‌రావు ప్రత్యేక పూజల అనంతరం ప్రారంభించారు. ఈ సందర్భంగా ఆయన మాట్లాడుతూ గ్రామీణ ప్రాంతాల్లోనూ ఆధునిక నేత్ర వైద్య సేవలు అందుబాటులోకి రావడం అభినందనీయమన్నారు. ప్రజలు కంటి ఆరోగ్యాన్ని నిర్లక్ష్యం చేయకుండా క్రమం తప్పకుండా నేత్ర పరీక్షలు చేయించుకోవాలని సూచించారు. చిన్న సమస్యను కూడా నిర్లక్ష్యం చేస్తే భవిష్యత్తులో తీవ్రమైన ఇబ్బందులు ఎదురయ్యే అవకాశం ఉందన్నారు. ప్రస్తుతం కంప్యూటర్లు, మొబైల్ ఫోన్ల వినియోగం పెరగడంతో చిన్నారుల నుంచి వృద్ధుల వరకు కంటి సమస్యలు అధికమవుతున్నాయని, ఈ నేపథ్యంలో నాణ్యమైన సేవలు అందించే ఆప్టికల్స్ కేంద్రాలు ప్రజలకు ఎంతో ఉపయోగకరమని పేర్కొన్నారు. ప్రజల విశ్వాసాన్ని నిలబెట్టే విధంగా ఉత్తమ సేవలు అందించాలని నిర్వాహకులకు సూచించిన ఆయన, వ్యాపారంలో మరింత అభివృద్ధి సాధిస్తూ ప్రజలకు మెరుగైన సేవలు అందించాలని ఆకాంక్షించారు. ఈ కార్యక్రమంలో బీజేపీ మండల అధ్యక్షుడు ఎదిర రాజు, జిల్లా కార్యవర్గ సభ్యుడు కోనేరు శ్రీనివాస్, జిల్లా కౌన్సిల్ సభ్యుడు బోయ కుర్మయ్య, చౌడాపూర్ మండల అధ్యక్షుడు శ్రీనివాస్, సీనియర్ నాయకుడు బంధ్యయ్య రవి, పార్టీ నాయకులు, కార్యకర్తలు, స్థానిక ప్రజలు, వ్యాపారవేత్తలు పాల్గొన్నారు. నూతనంగా ప్రారంభమైన ఈ ఆప్టికల్స్ కేంద్రం ద్వారా నాణ్యమైన నేత్ర సేవలు అందుబాటులోకి రావడం పట్ల స్థానికులు హర్షం వ్యక్తం చేశారు.
About the Author
